აკრედიტებული
კრედიტების რაოდენობა 240

მინიჭებული კვალიფიკაცია - მშენებლობის ინჟინერიის ბაკალავრი

ბაკალავრიატში მიღება ხორციელდება ერთიანი ეროვნული გამოცდების საფუძველზე, ჩასაბარებელია მათემატიკა ან ფიზიკა,  ქართული ენა და ლიტერატურა, უცხო ენა

სწავლების ენა: ქართული

ბაკალავრიატის საგანმანათლებლო პროგრამა „მშენებლობა“ მიზნად ისახავს მაღალკვალიფიციური მშენებლობის ინჟინერიის ბაკალავრის მომზადებას, რომლებიც ფლობენ როგორც ფუნდამენტურ საინჟინრო ცოდნას, ასევე თანამედროვე პრაქტიკულ უნარებს სამშენებლო საქმიანობის ყველა ძირითად მიმართულებაში.

პროგრამა აერთიანებს საინჟინრო მეცნიერებების საფუძვლებს, სამშენებლო კონსტრუქციების გაანგარიშებას, მშენებლობის ტექნოლოგიას, არქიტექტურულ საფუძვლებს, გეოტექნიკას, გზებს, ხიდებს, გვირაბებს, ჰიდროტექნიკურ ნაგებობებს, წყალმომარაგებისა და წყალარინების სისტემებს, მშენებლობის ორგანიზაციასა და მართვას, ხარისხის კონტროლს, საინჟინრო უსაფრთხოებას, მონიტორინგსა და ტექნიკურ ექსპერტიზას.

სწავლება ეფუძნება თანამედროვე საგანმანათლებლო მიდგომებს და მოიცავს ლექციებს, პრაქტიკულ და ლაბორატორიულ სამუშაოებს, პროექტებზე დაფუძნებულ სწავლებას, საინჟინრო პროგრამული უზრუნველყოფის გამოყენებას, კვლევით აქტივობებსა და საწარმოო პრაქტიკას. სტუდენტები სწავლობენ რეალური საინჟინრო პრობლემების ანალიზს, პროფესიული გადაწყვეტილებების მიღებას, გუნდურ მუშაობას და საერთაშორისო სტანდარტების შესაბამისად პროექტების განხორციელებას.

პროგრამის მნიშვნელოვანი უპირატესობაა მრავალფეროვანი პროფესიული არჩევანი. სტუდენტებს შესაძლებლობა აქვთ სასწავლო პროცესში გაიღრმაონ ცოდნა შენობა-ნაგებობების, სატრანსპორტო ინფრასტრუქტურის, ჰიდროტექნიკური სისტემების, სამშენებლო ტექნოლოგიების, ხარისხის მართვის, ტექნიკური ექსპერტიზისა და სხვა აქტუალური მიმართულებების მიხედვით.

კურსდამთავრებულები წარმატებით აგრძელებენ საქმიანობას სამშენებლო და საპროექტო კომპანიებში, საინჟინრო-საკონსულტაციო, საზედამხედველო და საინსპექციო ორგანიზაციებში, სახელმწიფო და მუნიციპალურ უწყებებში, ინფრასტრუქტურულ პროექტებში, აგრეთვე აგრძელებენ სწავლას მაგისტრატურისა და დოქტორანტურის საფეხურებზე.

ბაკალავრიატში მიღება ხორციელდება ერთიანი ეროვნული გამოცდების საფუძველზე, ჩასაბარებელია მათემატიკა ან ფიზიკა,  ქართული ენა და ლიტერატურა, უცხო ენა

მხარდაჭერა

რატომ გვწერთ?

This site is registered on wpml.org as a development site. Switch to a production site key to remove this banner.