აკრედიტებული
კრედიტების რაოდენობა

მინიჭებული კვალიფიკაცია - მშენებლობის ინჟინერიის და მენეჯმენტის ბაკალავრი

ბაკალავრიატში მიღება ხორციელდება ერთიანი ეროვნული გამოცდების საფუძველზე, ჩასაბარებელია მათემატიკა ან ფიზიკა,  ქართული ენა და ლიტერატურა, უცხო ენა.

სწავლების ენა: ქართული

საბაკალავრო საგანმანათლებლო პროგრამა „მშენებლობის ინჟინერია და მენეჯმენტი“ წარმოადგენს 180 კრედიტის მოცულობის ინტერდისციპლინურ საგანმანათლებლო პროგრამას, რომელიც აერთიანებს მშენებლობის ინჟინერიის, სამშენებლო ტექნოლოგიებისა და მენეჯმენტის სფეროებს. პროგრამა ორიენტირებულია თანამედროვე სამშენებლო სექტორის მოთხოვნებთან შესაბამისი კომპეტენციების მქონე სპეციალისტების მომზადებაზე და ეფუძნება საინჟინრო ცოდნის, მენეჯერული მიდგომებისა და პრაქტიკული უნარების ურთიერთკავშირს. პროგრამის შინაარსი უზრუნველყოფს სტუდენტისთვის როგორც დარგის ფუნდამენტური პრინციპების, ისე თანამედროვე საინჟინრო და მენეჯერული მიდგომების თანმიმდევრულად ათვისებას.

პროგრამის ფარგლებში სტუდენტი იძენს მათემატიკისა და საბუნებისმეტყველო მეცნიერებების, საინჟინრო დისციპლინებისა და სამშენებლო პროცესების საფუძვლიან ცოდნას, ასევე ეუფლება შენობა-ნაგებობების საინჟინრო და კონსტრუქციული სისტემების, საპროექტო და სამშენებლო სამუშაოების დაგეგმვისა და განხორციელების, სამშენებლო რესურსების მართვისა და სამშენებლო მოედანზე მიმდინარე პროცესების ორგანიზების პრინციპებს. მნიშვნელოვანი ადგილი ეთმობა სამშენებლო-საინვესტიციო და დეველოპერული პროექტების დაგეგმვისა და მართვის, ფინანსური, მატერიალური და ადამიანური რესურსების ეფექტიანი გამოყენების, უძრავი ქონების ბაზრის ფუნქციონირების, აგრეთვე სამშენებლო სფეროს სოციალურ-ეკონომიკური და სამართლებრივი გარემოს ანალიზის საკითხებს. პროფესიული საქმიანობის კონტექსტში გათვალისწინებულია შრომის უსაფრთხოების, ეკოლოგიური უსაფრთხოების, სამართლებრივი და ეთიკური ნორმების დაცვის მნიშვნელობა.

პროგრამა, ამასთანავე, მიმართულია სტუდენტის კვლევითი, ანალიტიკური, კომუნიკაციური და გუნდური მუშაობის კომპეტენციების განვითარებაზე. კურსდამთავრებულს შეუძლია საინჟინრო და მენეჯერული პრობლემების იდენტიფიცირება, მათი გადაჭრის შესაბამისი მიდგომების შერჩევა, კვლევითი და პრაქტიკული პროექტების განხორციელება და მიღებული შედეგების კრიტიკული შეფასება. პროგრამა ქმნის საფუძველს კურსდამთავრებულთა დასაქმებისა და პროფესიული საქმიანობისთვის მშენებლობის ინჟინერიისა და მენეჯმენტის სფეროში, ასევე სწავლის შემდგომ საფეხურზე გაგრძელებისა და უწყვეტი პროფესიული განვითარებისათვის.

პროგრამა მოიცავს ძირითადი სწავლის სფეროს შესაბამისი შინაარსის სასწავლო კურსებს (177 კრედიტი) და თავისუფალ  კომპონენტს (3 კრედიტი). თითოეული სემესტრის  მოცულობა არის – 30 კრედიტი. პროგრამის ხანგრძლივობაა 3 წელი (6 სემესტრი) მშენებლობის ინჟინერიის და მენეჯმენტის ბაკალავრის კვალიფიკაცია მიენიჭება ძირითადი სწავლის სფეროს შესაბამისი შინაარსის სასწავლო კურსების არანაკლებ 177 კრედიტის და თავისუფალი კომპონენტის 3 კრედიტის ათვისების შემთხვევაში. პროგრამა შედგენილია ევროპული კრედიტების ტრანსფერის სისტემის (ECTS) მიხედვით, 1 კრედიტი 25 საათს უდრის და მოიცავს საკონტაქტო და დამოუკიდებელი მუშაობის საათებს. კრედიტების განაწილება წარმოდგენილია სასწავლო გეგმაში.

ბაკალავრიატში მიღება ხორციელდება ერთიანი ეროვნული გამოცდების საფუძველზე, ჩასაბარებელია მათემატიკა ან ფიზიკა,  ქართული ენა და ლიტერატურა, უცხო ენა.

მხარდაჭერა

რატომ გვწერთ?

This site is registered on wpml.org as a development site. Switch to a production site key to remove this banner.